اغتيال فكر

ساعة الحق أتشال عقاربها
حل بدلها مصالح ياما
بعد تمعن في حال عروبتنا
قلت خلاص بقت أطلال
أيقنت خلاص وبقوة
إن الظلم شعار أوطاني
قالوا إسلامنا برة أتشوه
قلنا نرد بإعلام إسلامي
جه "إسلام اون لاين" رفعها قوية
إسلامنا دين الوسطية
بس كلامه زعل أوغاد
عند أخوانا هما الأسياد
أعطوا أوامر لازم بتر
يبدو سياسته جت ع الجرح
قالوا يبقي نقل مقر
حبوا يضيفوا توابل حارة
قالوا "اخوان" للأزمة مساند
هما الأخوان ناقصين تصفية
بس يبدو بقوا "ضحية"
رجعوا قالوا محتوي متجاوز
طب أزاي والأخلاق ده شعاره
قالوا أمريكا عملتها مقايدة
موقع أو قرضاوي في قايمة إرهاب
طب أزاي أعطوني عقولكم
هو الوسطي بقا متطرف؟!
أنا في رأيي هي مؤامرة
لا قرضاوي ولا بدحدح
بس صراحة صحفييه شداد
قادوا اعتصام لسة مقام
مهو موش راتب بس وشغل
ده يا جماعة رسالة وفكر
رفعوها صراحة بلا نقاش
إعلامنا لازم يبقي رصاصة
في قلب كل محتل مخادع
والله يا قدس مكانك قلبي
ولازم قلمي يبقي سلاحي
لنصرة أرضك ورفعة علمك
معاك ياقرضاوي علي طول الخط
ما أحنا خلاص قلناها صراحة
لازم مبادرة "إعلام الأمة"