أين هدفي؟!

هل ضاعت أهدافي وأحلامي وسط الزحام والانشغال بالإحداث الطارئة والمعتادة؟ ، أين هدفي التي سعيت إليه يشتي الطرق؟ ، أين أحلامي؟ ، هل ضاعت وسط العمل المعتاد والروتيني ؟ ، هل أنا السبب ؟ ، هل أنا مقصرة ؟ ، هل أنا سلبية؟ ، هل نسيت أهدافي وأحلامي أم تناسيت؟ ، هل تخليت عنها مقابل أشياء أخري؟ ، هل عجزت عن تحقيقها وارفض أن اعترف بذلك؟ ، هل هناك أسباب خارجية تسببت في ذلك؟.

أسئلة كثيرة تدور في ذهني الآن ، بدون مثالية و تذويق للكلام ومحاولة للتحايل علي الموقف ، اكتشفت أني لا شئ ، ولم افعل أي شئ جديد ، أو بمعني أدق مفيد ، ولكن ارجع وأقول طب مش ممكن أكون أنا شايفة خطا ، أو أنا طماعة شوية ؟ ، وعايزة زى ما بتقول تأخذ كل حاجة ؟ ، دون أن تتنازل عن أشياء أخري ؟.

أعود وأقول لنفسي طب مش ممكن أكون أنا بنظر بمثالية شوية ؟ ، وارجع برده أقول مثالية إيه أنا ببص صح؟.

وارجع تاني برده وأقول أكيد أنتي السبب ؟ ، أكيد أنتي مقصرة ؟ مهو أكيد أنتي اللي اهملتي هذه الأهداف .

يمكن أنا علشان شوية مكتئبة علي غير العادة فبقول كده ، بس يعني حاسة أن سبب الاكتئاب ده شوية الكلام اللي فوق دول؟!.
يمكن بسبب شغلي الجديد واللي حاسة أني مخي وقف خالص ومش عارفة احدد إذا كان مفيد لي ولا لا؟ ، ومش عارفة هل استمر فيه أو لا؟!.

يمكن علشان بعدت عن ناس تعودت عليهم ، وعلي رؤيتهم يوميا ، ناس أحبوني بجد وأنا أكثر منهم ، يمكن علشان بشتاق إليهم كثيرا ، يمكن علشان حسيت أنهم أسرتي الثانية ؟ ، يمكن علشان لم اختلف معهم علي الإطلاق ، يمكن علشان قدروني وقدرتهم ؟ ، يمكن.. يمكن ؟؟؟؟!!! .

يمكن علشان هذه الأيام بعدت عن ربي وحاسة أني مقصرة في حقه كثيرا .. كثيرا .. كثيرا ؟!.

يمكن علشان مش لاقية – أنا السبب في ذلك طبعا - وقت اجلس فيه مع نفسي كويس واقدر أفكر براحتي ، وأقول أنا عايزة إيه ؟.

يمكن علشان عندي أحساس قوي بالهروب من الكلام ومش عايزة أتكلم أصلا ، يمكن لأني وجدت نفسي غير راغبة في الكلام واكتفي فقط هذه الأيام بالاستماع؟.

يمكن كل ده كسل مني؟ .

ويمكن فقدت الكثير من قوتي وتغلب علي الكسل والإهمال؟.

يمكن أكون استسلمت لوسوسة الشيطان واستطاع أن يتغلب علي ويشعرني بالإحباط؟

يمكن لأني بشعر بحالة من الإرهاق الشديد ولدي رغبة شديدة في النوم العميق ؟

يمكن لان دماغي مليانة بحاجات كثيرة جدا ؟

يمكن لأني بقالي فترة طويلة شوية لم اجلس مع صديقتي ولم أراها ووحشاني جدا؟

يمكن لأني في حاجة أني أتكلم مع حد واخرج كل ما بداخلي؟

يمكن بكتب كل ده لأني فقط مكتئبة شوية ، وكله كلام مبالغ فيه؟

هو أكيد في حاجة من دول هي الصح أو حاجات

بس برده كله ممكن.